Letteratura Milanese

 

 

Scarica!

Mp3 Poesia (Interpretazione di Antonio Bozzetti)

 

 

 

Carlo Porta

 

 

 

 

 

Desgrazi de Giovannin Bongee

 

 

De gi, lustrissem, che semm sul descors

De quij prepotentoni de Frances,

Chel senta on poo m adess cossa m occors

Jer sira, in tra i noeuv e mezza e i des,

Giust in quellora che vegneva via,

Sloffi e stracch come on asen, de bottia.

 

Seva in contrada de Santa Margaritta

E andava insc, bell bell, come se fa,

Ziffoland de per mi su la mia dritta,

E quand sont l al canton dove ghe sta

Quel pessee che ghha foeura i bej oliv,

Me senti tutt a on bott a d: Chi viv ?

 

Vardi inanz, e hoo capii de l'infilera

Di cardn e del strpet di sciavatt

Che s'eva daa in la rondena, e che l'era

La rondena senz'olter di crovatt ;

E m, vedend la rondena che ven,

Fermem l senza moeuvem: vala ben ?

 

Quand m'hin adoss, che asquas m'usmen el fiaa,

El primm de tucc che l'eva el tamborin,

Traccheta! sto asnon porch del Monferaa

El me sbaratta in faccia el lanternin

E el me fa ved a on bott s, luna, stell,

A ris'c de inorbimm l come on franguell.

 

 

S'era tanto dannaa de quella azion

Che dininguarda s'el fudess staa on olter !

Basta, on scior ch'eva in pari a sto birbon,

(Ch'el sar staa el sur respettor senz'olter),

Dopo avemm ben lumaa, el me dis: Ch siete ?

Che mester fate ? In dove andee ? Dicete !

 

Chi sont ? respondi franco, in dove voo ?

Sont galantomm e voo per el fatt m;

Intuit poeu del mestee che foo,

Ghe ven quaj cossa de vorrell sav ?

Foo el cavalier, vivi d'entrada, e m

Ghe giontaravel fors quajcoss del s ?

 

 

Me par d'avegh parlaa de fioeu polid;

N'eel vera ? e pur, fudessel ch'el gh'avess

Ona gran volentaa de tacc lid,

0 che in quel d gh'andass tusscoss in sbiess,

El me fa serci s de vott o des,

E l el me sona on bon felipp de pes.

 

Hoo faa mi do o tre voeult per rebeccamm.

Tant per respondegh anca mi quejcoss,

Ma lu el torna de cap a interrogamm

In nomo de la legge e el salta el foss ;

E in nomo de la legge - gi, se sa

Sansessia, vala ben ? - boeugna parl.

 

 

E l botta e resposta, e via d'incant:

Chi siete ? - Giovannin. - La parentela ? -

Bongee. - Che mester fate ? - El lavorant

De frust. - Presso de chi ? De Isepp Gabella. -

In dove ? - In di Tegnon. - Vee a spass ? - Voo al cobbi. -

In c de voi ? - Sur s. - Dove ? - Al Carrobbi. -

 

Al Carrobbi ! - In che porta ? - Del piattee. -

Al numer? - Vottcent vott. - Pian ? - Terz... E insc

Eel satisfaa m adess; gha n'hal assee ?...

Fussel m la franchezza mia de m,

0 ch'el gh'avess pu nient de domandamm

El va e el me pienta l come on salamm.

 

Ah, lustrissem, quest ch l' anm on sorbett,

L' un zuccher fioretton resguard al rest;

El sentir m adess el bel casett

Che gh'era pareggiaa deps a quest:

Propi vera, lustrissem, che i battost

Hin pront come la tavola di ost.

 

Dopo sto pocch viorin, gris come on sciatt,

Corri a c che no vedi nanch la straa;

Foo per derv el portell, e el troeuvi on tratt

Nient olter che avert e sbarattaa...

Sta a ved, dighi subet, che anca ch

Gh' ona gabola anm contra de m.

 

Magara insc el fudess staa on terna al lott,

Che almanch sta voeulta ghe lassava el segn !

Voo dent... ciappi la scara... stoo l on bott,

Doo a ment... e senti in sui basij de legn,

Dessora inscima, arent al spazzac,

Come sarav on sciabel a solt.

 

Mi a bon cunt saldo l: fermem del p

De la scara... e, denanz de ris'ci on pien

Col fidamm a and s, sbragi: Chi l' ? .

Coss'en disel, lustrissem, vala ben ?

A cerc rogna insc per spassass via,

Al d d'incoeu s' a temp anch quand se sia.

 

Intant nissun respond; e sto tricch tracch

El cress, anzi el va adree a vegn de bass...

Ghe soni anm on Chi l' ? pu masacch,

Ma oh dess, l' pesg che ne parl coi sass!

infin poeu a quante mai sbragi: Se p

Sav, chi l' ona voeulta, s o n ?

 

Cristo, quanti penser hoo paraa via

In quell'atem che s'eva adree a sbragi!

M' fina vegnuu in ment - esussmaria ! -

Ch'el fuss el condam reficci de c,

Ch'el compariss l insc a f penitenza

De quij pocch ch'el s' tolt su la conscienza.

 

El fatt l' ch'el frecass el cress anm,

E senti ona pedana, oltra de quell,

Propi d'ona persona che ven gi;

Mi, allora, tirem l attach al portell,

Che de reson, s'el se le voeur cav,

L'ha de pass de ch, l'ha de pass.

 

Ghe semm nun ch al busilles ! Finalment

Vedi al ciar de la lampeda de straa

Avegnimm a la contra on accident

D'on cavion frances de quij dannaa,

Che insc ai curt el me diss: Ett v el mar

De quella famm che sta dessora l ?

 

Mi, muso duro tant e quant e l,

Respondi: Ov g su mo; perch ?

Perch, el repa, voter famm, mons,

L' tre giol, sacher dioeu, e me pl.

0 giol o non, ghe dighi, l' la famm

De mo de mi: coss'hal m de cuntamm ?

 

S' che mo g voe cocc con ell.

Cocc ? respondi, che cocc d'Egitt ?

Ch'el vaga a f cocc in San Raffaje11 ;

L l' el loeugh de cocc s'el gh'ha el petitt !

Ch'el vaga foeura di cojon, che ch

No gh' cocc che tegna: av cap ?

 

 

Cossa dianzer ghe solta, el dis: Coman,

A mo cojon?... e el volza i man per damm.

Ovej, ch'el staga requi cont i man,

Ch'el varda el fatte s de no toccamm,

Se de n, dia ne libra, sont capazz...

E lu in quel menter mollem on scopazz.

 

E voeuna, e d ! Sangua de d de nott,

Che nol se slonga d'olter, che ghe doo !

E lu zollem de capp on scopellott!

Vedi ch'el tend a spettasciamm el coo,

E mi sott cont on anem de lion ...

E lu, tonfeta, on olter scopazzon !

 

Ah sanguanon! A on colp de quella sort

Me sont sentuu i cavij a drizz in pee,

E se nol fudess staa che i pover mort

M'han juttaa per soa grazia a torn indree,

Se no ciappi on poo d'aria, senza fall

Sta voeulta foo on sparposet de cavall.