Letteratura Milanese

 

 

 

Giuseppe Parini

 

 

 

* Biografia

 

* Opere da scaricare in formato zip:

 

* Il Giorno

 

* Testi:

 

* In morte del curato Ciocca

* Magon dij damm de Milan per i baronad de Franza

 

 

 

 

 

 

 

 

 

 

 

Testi

 

 

In morte del curato Ciocca

 

No che eran mani: eran crivelli

con tanto de boggiater quij soeu man;

né scuoter le dovevan i poverelli,

per fa che passass giò on quej tocch de pan.

 

Egli medesimo, a pro di questi e quelli,

su per i scal de legn fina al quart pian,

portava loro gravidi fardelli

tappasciand d’ on coo a l’olter de Milan.

 

Nulla per sé, nulla di proprio avea;

quell pocch ben de cà soa e de l’altar

tutt coi poverelli ei dividea.

 

Oh, perché non passaron per sua mano

Tanc dobel impesta in di sgriff di avar!

Quant miseri meno avria Milano!

Torna all’inizio

 

 

 

Magon dij damm de Milan per i baronad de Franza

 

Madama, gh’hala quaj noeuva de Lion ?

Massacren anch adess i pret e i fraa

quij soeu birboni de Franzes, che han traa

la legg, la Fed e tutt coss a monton ?

 

Cossa n’è de colù, de quel Petion,

ch’el pretend con sta bella libertaa

de mett insemma de nun nobiltaa

e de nun damm tutt quant i mascalzon ?

 

A proposit : che la lassa vedè

Quel cappell là, che gh’ha d’intorna on vell:

eel staa inventaa dopo che han mazzaa el re ?

 

Eel primm, ch’è rivaa ? Oh bell ! Oh bell !

Oh i gran Franzes ! Bisogna dill, no gh’è

Popol che sappia fa i mej coss de quell.

Torna all’inizio